TOURISM AND ENVIRONMENT

TOURISM

Tune pin tuluy tuluy na ing pagkilala keng balen Porac ali mu bilang Future growth center ning Pampanga nune bilang New Eco-tourism site king Central Luzon. Bukud tangi ing santing ning Porac Highlands a nung nukarin mayayakit la deng Aeta Community, Miyamit Falls at Viewing Decks.

Base kareng datus anyang milabasan a banua, atin ng Fifty One Thousand Eight Hundred Sixty Four (51,864) a same day visitors a mekasaksi keng sintingan ning balen Porac. Mipalabas nerin keng national television ing balen bilang tourism destination in Central Luzon kalupa ning I Luv Pinas ng Carlo Lorenzo, Biyahe ni Drew ng Drew Arellano at Kris TV na lalabasan ng Kris Aquino.

Puspusan murin ing pamanyad saup keng Tourism Infrastructure and Enterprise Zone Authority (TIEZA) kapamilatan ng GM Mark Lapid para king pamag ayus keng Eco-tourism site keng Brgy. Sapang Uwak. Kasalukuyan, gawa ne ing Porac Eco-Tourism Plan at mika Cultural Mapping narin bilang pamag adya king planung pamamuklat ning Porac tourism office.

ENVIRONMENT

Patune murin keng keyang gelingan bilang metung a lider ing pamagsolusyun king problema king basura. Ing Porac metung kareng ating Fully Operational Material Recovery Facility a pupuntalan dapa deng miyayaliwang balen para akit at pagmasdan ing pamagpatupad king No Segregation, No Collection Policy.

Megawaran yarin Certificate of Recognition ibat king Holcim Philippines bilang pagkilala keng balen keng pamagpatupad keng mesabing programa. Tuluy tuluy murin ing gagawang pamagikayat kareng memalen para king programang pangkalinisan.

Trackback from your site.