“Mayor is Back: Hindi ‘to Drama, Totoong Buhay ‘to”

Napanood ko ang unang flag ceremony ni Mayor Jing Capil matapos ang halos 10 buwang pagkawala sa puwesto. Hindi ito comeback movie—walang background music, walang standing ovation. Pero punong-puno ng plot twist na puwedeng ilaban sa “Trial by Jury: The Sequel.”
Sa harap ng mga empleyado, sinabi ni Mayor na ang pagbabalik niya ay hindi biro. “Mahirap ang pulitika,” aniya. At totoo naman. May pending disqualification case, may issue ng command responsibility sa illegal mega POGO hub, at may election protest pa laban sa kanyang anak na Vice Mayor. “Hindi namin kayang mandaya,” sabi niya. Parang sinasabi niya, “Pwede niyo akong husgahan, pero hindi niyo kami kayang palabasing mandaraya.”
Tama nga si John F. Kennedy:
“Let us not seek the Republican answer or the Democratic answer, but the right answer.”
Sa panahon ngayon, hindi na lang dapat party-party. Dapat may paninindigan.
Pero hindi roon nagtapos ang gulo. Nag-resign ang budget officer at treasurer niya—sabay pa! At surprise! may ₱78 million unliquidated funds. Saan napunta? “Hindi ko rin alam,” siguro gusto niyang isigaw. Ako na ang nagsabi sa sarili ko: “Mayor pala ang pinakamahirap na trabaho—lahat ng sumbong, sa iyo bagsak.”
At totoo nga—kahit People’s Day, andaming nagli-line up: may nagrereklamo sa kuryente, may may kagat ng aso, may nanghihingi ng medikal. Sabi ko, “OMG. Para kang barangay captain, DOH, Meralco, at therapist in one.”
Bilang mamamahayag, hindi ako nagpahuli. Nagtanong ako ukol sa solid waste management—lalo na sa status ng Primewaste Solutions. Sabi niya, ayaw na raw niya ng “sign now, regret later.” Hindi lang daw national permits ang susundin niya, kundi titingnan rin niya ang papel sa lokal. Sabi niya pa, “Hindi na papel ang susunod, ako na mismo. Pupuntahan ko ang MRF, landfill, lahat.”
Ang tanong: Ganito rin ba ang ibang lokal na opisyal? O papel lang din ang basehan?
Sabi nga ni Abraham Lincoln:
“Nearly all men can stand adversity, but if you want to test a man’s character, give him power.”
Ito ang panahon para seryosohin ang local autonomy. Huwag puro pasada sa papel ng national agency. Local governance is not just a branch office—it’s the frontline.
At para sa mga mamamayang nag-aakalang puro pa-cute lang ang local officials: ’Wag niyo pong maliitin ang hirap sa likod ng bawat pirma. Ang barangay health center, ang basurang hindi kinokolekta, ang election protest—lahat ‘yan, hindi fiction. Totoong buhay.
Kaya reminder lang sa lahat:
Kung may reklamo tayo, isama rin sana ang pang-unawa.
At kung tayo’y nasa puwesto, isama rin ang dangal.
Mayor Jing is back.
Sa dami ng iniwang butas at tanong, hindi natin alam kung comeback king o crisis manager ang bagong title niya. Pero ngayon, isa lang ang malinaw:
Ang pamahalaang lokal—ito ang tunay na frontliner ng demokrasya.

CLICK HERE:https://www.facebook.com/share/p/1D7SzgqJDU/